Como xa sabedes, tanto a semana pasada coma esta, estivemos inmersos no Reto Lugo, a cidade que imaxinas e na que queres vivir que é unha proposta para que participen mozos de 14 a 35 anos e presenten o seu proxecto de mellora da cidade, que ten lugar dentro dunha das actividades programadas no Tour del Talento.
Lembrámovos un pouco: a temática do reto era libre (desenvolvemento local e/ou económico, mobilidade, urbanismo, medioambente, sustentabilidade, economía circular, vivenda, emprego, lecer, mocidade, deportes, tecnoloxía, emprendemento, innovación, conectividade, etc.)
Propoñíase un formato de presentación oral seguindo a técnica de presentación 20×20 (Pechakucha) cun máximo de 20 diapositivas en 20 segundos por equipo, con quendas de preguntas do xurado.
Ademais, non esquezades que hai un premio dun iPhone 14 para cada un dos integrantes do equipo e un diploma acreditativo.
E como tamén lembraredes, o xoves 20 de abril celebrouse no CEI-NODUS un obradoiro preparatorio para dotar ós equipos das ferramentas necesarias para defender as súas propostas no Reto do Tour del Talento, unha xornada impulsada por Europe Direct Lugo.
Facendo algo de memoria, sabedes que para a presentación de proxectos do Reto Tour del Talento hai dúas fases:
- Primeira fase de presentación de proxectos en cada un dos Centros de Formación e selección da mellor proposta, os días 27 e 28 abril.
- Segunda fase, a final, que se celebrará o venres 5 de maio, na carpa instalada na Praza Horta do Seminario, con motivo do Tour do Talento.
Aquí tedes unha foto tomada durante a semifinal que tivo lugar durante o día de hoxe no CEI-Nodus na que podemos ver os e as participantes menores de 35 anos que non pertencen nin a IES nin a CIFP.
Hoxe venres 28 de abril temos a honra de publicar a lista dos finalistas do Reto do Tour del Talento:
CENTRO | INTEGRANTES | DOCENTE |
IES Nosa Señora dos Ollos Grandes | Pilar Wegmuller Ónega Laura Iglesias Primo Alejandra García Díaz | Pilar Iglesia Muinelo |
CIFP As Mercedes | Germán Valcarce Otero Óscar de la Iglesia Bascoy Gonzalo Cerviño Díaz | Pablo Alvariño Vázquez |
Colegio Nebrija | Yoanny de Jesús de León Laura Barreiro Mejuto Hugo García Alborés | Montse López García |
Grupo Individual | Mar Centelles Elena López Iria Posada | |
IES Anxel Fole | Nagore Hortas Castro Lucia Pardo Lopez Noelia Buide Otero | Sandra Gómez Pérez |
Centro de Formación Audiovisual da Deputación de Lugo | Lucía Sánchez Corbelle Nerea Rodríguez Fernández Sabela Freire Rodriguez | María Victoria Nodar Bejega (jefa de estudios) |
IES Sanxillao | Javier Blanco Álvarez Teo de Frutos Rodríguez Gaia Zordan Guerreiro | Susana Muiña |
Colegio María Auxiliadora de Lugo | José Martínez Puig Diego Sánchez Pasarín Judith Barreira Ferreiro | Margarita Meilán Seijas Brigitte Andrade López |
Moita sorte a todos/as os/as finalistas e vémonos o día 5 de maio na gran final do Reto do Tour del Talento. Non faltedes!
Tedes toda a información e inscrición dos eventos que van acontecer nos vindeiros días aquí.
E lembra, faremos publicacións do que está a suceder durante todo o Tour del Talento.
Síguenos en redes para recibir as novas antes que ninguén!😜
